پاکپتن(نامہ نگار)حضرت بابا فرید الدین مسعود گنج شکر کے 776 ویں سالانہ عرس کی تقریبات، بہشتی دروازہ کی قفل کشائی آج ہوگی،دس لاکھ کے قریب زائرین پاکپتن پہنچ گئے ہیں۔ضلعی انتظامیہ کی جانب سے سیکیورٹی کے فول پروف انتظامات ۔عرس کی تقریبات درگاہ کے سجادہ نشین دیوان مودود مسعود چشتی اپنے ولی عہد سجادہ نشین دیوان احمد مسعود چشتی فاروقی کے ہمراہ ادا کررہے ہیں ،اس دوران 15روزہ عرس کی سب سے بڑی رسم بہشتی دروازہ کی قفل کشائی آج ادا کی جائے گی۔ ڈسٹرکٹ پولیس اور انتظامیہ کی طرف سے عرس بابا فرید کے موقع پر انتہائی احسن انتظامات کیے گئے ہیں،زائرین کو مکمل سرچنگ کے بعد دربار کی حدود میں داخل ہونے دیا جارہا ہے۔ڈی پی او پاکپتن میڈم ماریہ محمود نے بتایا کہ عرس پر زائرین کو بہترسے بہترین سہولیات فراہم کرنے کیلئے کوشاں ہیں۔