سوات (نامہ نگار) سوات کے سیاحتی علاقے کالام مہوڈنڈ میں سیاحوں کی گاڑی دریائے سوات میں گرنے سے گوجرانوالہ سے تعلق رکھنے والے 4 سیاح جاں بحق جبکہ تین افراد شدید زخمی ہوگئے ، مقامی ذرائع کے مطابق پنجاب کے علاقے گوجرانوالہ سے تعلق رکھنے والے سیاح جو کالام کے علاقے مہوڈنڈ جارہے تھے کی گاڑی کو آب شار کے مقام پر حادثہ پیش آیا، ڈرائیور جس کا تعلق مینگورہ سے بتایا جاتا ہے سے گاڑی بے قابو ہوکر دریائے سوات میں جاگری ، حادثے میں 4 افراد جاں بحق ہوچکے ہیں جبکہ تین افراد زخمی ہونے کی اطلاع ہے، علاقہ دور افتاد ہ ہونے کی وجہ سے امدادی کارروائی میں مشکلات کا سامنا ہے جبکہ مرنے والوں اور زخمیوں کے نام بھی فوری طورپر معلوم نہیں ہوسکے، ذرائع کے مطابق لاشوں اور زخمیوںکو مقامی ہسپتال منتقل کیا گیا۔
4سیاح جاں بحق