نوشہرہ ورکاں (نمائندہ نوائے وقت) توہین مذہب کے ملزم پر مقدمہ درج کرکے اسے گرفتار کر لیا گیا۔ تفصیلات کے مطابق نواحی گائوں مناں چک کے رہائشی احسان اللہ گوجر نے جامع مسجد عمر فاروق کو پتھر مارے جس سے مسجد کا بلب ٹوٹ گیا۔ اہلیان دیہہ نے اسے منع کیا تو اس نے گستاخانہ کلمات ادا کرنا شروع کر دیئے۔ ایس پی شہباز الٰہی نے انکوائری کی اور ملزم کے خلاف دفعہ 295 اے بی سی کے تحت عبدالقدیر کی مدعیت میں مقدمہ درج کرکے ملزم کو گرفتار کر لیا ہے۔