برسلز (نمائندہ خصوصی) تحریک انصاف کی حکومت نے چند دنوں میں بڑے فیصلے کرکے عوام کو اپنی طرف متوجہ کرلیا، حکومت کا گراف دن بدن بڑھ رہا ہے۔ ان خیالات کا اظہار چیئرمین تحریک انصاف بلجیم شکیل گوہر نے کیا۔ انہوں نے کہا کہ وزیراعظم عمران خان نے زلفی بخاری کو اوورسیز پاکستانیوں کیلئے اپنا معاون خصوصی مقرر کرکے اوورسیز کے دل جیت لئے ہیں۔ زلفی بخاری ملک و قوم بالخصوص نوجوانوں کا درد رکھتے ہیں۔