لاہور(سپور ٹس رپورٹر+نمائندہ سپورٹس) پاکستان کرکٹ ٹیم کے کپتان سرفراز احمد کا کہنا ہے کہ اچھا ہوا اہم میچ سے قبل 'ویک اپ کال' مل گئی۔ایشیا کپ کرکٹ ٹورنامنٹ کے گروپ میچ میں روایتی حریف بھارت کے ہاتھوں شکست کے بعد گفتگو کرتے ہوئے سرفراز احمد نے کہا کہ 'ہمارے زیادہ تر کھلاڑی غیر ضروری سٹروک کھیلتے ہوئے آؤٹ ہوئے'۔قومی کرکٹ ٹیم کے کپتان نے کہا کہ ' اچھا ہوا اہم میچز سے پہلے ویک اپ کال مل گئی۔اوپنرز کے جلد ہونے کی وجہ سے ٹیم دبائو کا شکار ہوگئی جس کے بعد بلے باز سنبھل نہیں سکے ۔ بابر اعظم اور شعیب ملک نے اچھی اننگز کھیلی مگر اچھا مجموعہ ترتیب نہیں دے سکے۔ سپر فورمرحلے میں اچھی کارکردگی کا مظاہرہ کریں گے ۔ کھلاڑیوں کو غلطیوںسے سیکھنا ہوگا۔ اس حوالے سے پاکستان کرکٹ ٹیم کے ہیڈ کوچ مکی آرتھر نے کہا کہ بلے بازوںنے پارٹنر شپ نہیں بنائی، ذمہ داری سے بیٹنگ کرتے تو سکور بورڈ مختلف ہوتا۔مکی آرتھر نے کہا کہ شاداب خان کے 'بیک اسپیم' ہوا ہے، ویسٹ انڈیز میں بھی ہوا تھا، پریشانی کی بات نہیں۔ بھارتی کپتان روہت شرما نے کہا کہ پہلے میچ کی نسبت ٹیم اچھا کھیلی، خوشی ہے ٹیم نے اچھے انداز میں میچ ختم کیاانہوں نے مزیدکہا کہ پاکستان کو کم سکور پر آئوٹ کرنے میں کامیاب ہوئے جس کی وجہ سے ہدف حاصل کرنے میں کامیابی ہوئی ۔ ٹاس جیت جاتے تو ہم بھی پہلے ہی بلے بازی کرتے ۔بائولرز نے اچھی کارکردگی کا مظاہرہ کیاجس کے بعد بلے بازوں کو بھی مشکلات کا سامنا نہیں کرناپڑا۔سپر فور مرحلے میں بھی اچھی کارکردگی کا مظاہرہ کریں گے ۔