لاہور(سپورٹس رپورٹر+نمائندہ سپورٹس ) مایہ نازکرکٹرجاویدمیاندادنے کہاہے کہ مستحق بچوں کو مفت تعلیم کی فراہمی صدقہ جاریہ اور عین عبادت ہے،آج کے دورمیں جب پرائیویٹ سکول اپنی فیسوں میں من مانااضافہ کرنے کواپناحق سمجھتے ہیں، لیومنری لرننگ سرکل فائونڈیشن سڑکوں سے بچوں کو اٹھاکر سکول میں لارہاہے تاکہ آوارہ پھرنے کے بجائے یہ بچے پڑھ لکھ کر اپنے وطن کا نام روشن کریں،ٹیمLLCFاور ایم این اے نجیب ہارون کے جذبے نے انتہائی متاثرکیاہے، ہر ممکنہ تعاون کروں گادیگر ادارے بھی آگے بڑھیں۔یہ باتیں انہوں نے فاطمہ جناح کالونی نیوکراچی سیکٹر11-Eمیں لیومنری لرننگ سرکل فائونڈیشن کیمپس IIکی افتتاحی تقریب سے خطاب کرتے ہوئے کہیں۔