تربت: تقر یب کے دوران سلنڈر پھٹنے سے 2 خواتین جاں بحق، 20 افراد زخمی
کوئٹہ ( بیورو رپورٹ) بلوچستان کے ضلع تربت کے علاقے شپک میں تقریب کے دوران گیس سلنڈرپھٹنے کے نتیجے میں 2 خواتین جاںبحق جبکہ خواتین اور بچوں سمیت 20 افراد زخمی ہو گئے۔ 12 شدید زخمیوں کو نیوی کے طیارے کے ذریعے کراچی منتقل کردیا گیا۔ ترجمان بحریہ کے مطابق زخمیوں کو طبی امداد کی فوری ضرورت تھی، بروقت امدادی کارروائی سے کئی قیمتی جانوں کو بچا لیا گیا۔ دریں اثناء وزیراعلیٰ بلوچستان جام کمال خان نے واقعہ پر افسوس کا اظہارکرتے ہوئے واقعہ میں زخمی بچوں اور خواتین کو بروقت ریسکیو کرنے اور فوری طبی امداد کی فراہمی پر پاکستان نیوی سے اظہار تشکر کیا ہے۔
