لاہور(سپورٹس رپورٹر) پاکستان ہاکی فیڈریشن نے غیر ملکی کوچ کی عدم دستیابی پر ایک مرتبہ پھر پاکستان ہاکی ٹیم کے منیجر حسن سردار کو ایشین چیمپیئنز ٹرافی کے لیے قومی ہاکی ٹیم کا ہیڈ کوچ مقرر کرنے کا فیصلہ کیا ہے۔ اس کا باقاعدہ اعلان آج متوقع ہے۔ ذرائع کے مطابق ہالینڈ سے تعلق رکھنے والے غیر ملکی کوچ رولینٹ اولٹمینز نے پاکستان ہاکی ٹیم کے ساتھ مزید کام کرنے سے تین روز قبل انکار کیا تھا جس کے بعد فیڈریشن حکام انہیں منانے کی بھرپور کوشش کر رہے ہیں، فیڈریشن کی جانب سے غیر ملکی کوچ کو اپنے فیصلے پر نظر ثانی کے لیے دو سے تین روز کا وقت بھی دیا تھا جو اتوار کی شام کو ختم ہو گیا ہے۔ غیر ملکی کوچ کی جانب سے تفدیق میں تاخیر کی وجہ سے پاکستان ہاکی فیڈریشن کی جانب سے ایشین چیمپیئنز ٹرافی ٹورنامنٹ کی تیاری کے لیے قومی ٹیم کے متوقع کھلاڑیوں کے اعلان میں 24 سے 48 گھنٹوں تاخیر کی ہے۔