لاہور (نامہ نگاران) مختلف واقعات میں 5 خواتین اور 2 بچوں کو زیادتی کا نشانہ بنا دیا گیا۔ فیروزوالہ میں کالاخطائی روڈ کی آبادی حاجی کوٹ میں دکاندار خوشنود خان نے محنت کش حسن کی بیٹی (ک) کو زیادتی کا نشانہ بنا دیا جبکہ بیگم کوٹ میں ملزم نوید نے ساتھی کی مدد سے نوعمر لڑکے سے زیادتی کی۔ منڈی فیض آباد کے نواحی گائوں کی شادی شدہ خاتون نازیہ بی بی کو اسکے پھوپھی زاد مشتاق نے زیادتی کا نشانہ بنایا جس سے وہ حاملہ ہوگئی۔ سرگودھا میں رفعت بی بی کو اکرام نامی ملزم جبکہ 4 افرا د کاشف، عامر، ظہیر و غیر ہ نے فاخرہ نامی خاتون کو ہوس شکار کیا۔ ساہیوال میں 6 مسلح افراد ظفر وغیرہ نے نوراں نامی لڑکی کو اغوا کے بعد زمیندار کے ڈیرے پر لے جاکر اجتماعی زیادتی کا نشانہ بنایا۔ سیالکوٹ میں 9 سالہ خرم کو ملزم ساحل طارق نامی ملزم نے اسے ورغلا کر ویرانے میں لے گیا اور زیادتی کر ڈالی۔