گاڑی کی ٹکر سے کانسٹیبل کی موت، راجہ پرویز اشرف کا ڈرائیور اڈیالہ جیل منتقل
اسلام آباد (اپنے سٹاف رپورٹر سے) تھانہ آبپارہ پولیس نے سابق وزیراعظم راجہ پرویز اشرف کے ڈرائیور عابد نواز کو اتوار کے روز اڈیالہ جیل منتقل کر دیا۔ پولیس نے بتایا کہ ڈرائیور نے زیرو پوائنٹ کے قریب غفلت سے گاڑی چلاتے ہوئے موٹر سائیکل سوارکو ٹکر مار دی جس سے راولپنڈی پولیس کا کانسٹیبل ذیشان عباسی موقع پر جاں بحق ہوگیا تھا۔ ملزم کو موقع سے گرفتار کیا گیا تھا جسے ڈیوٹی مجسٹریٹ کی عدالت میں پیش کیا گیا۔ عدالت نے ملزم کو اڈیالہ جیل منتقل کرنے کا حکم دے دیا۔
