لاہور (نامہ نگار) لاہور کے مختلف علاقوں میں ڈاکوئوں اور چوروں نے وارداتوں کے دوران متعدد شہریوں سے لاکھوں روپے کی نقدی، طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا۔ ڈاکوؤں نے غازی آبادمیں تنویر اور اس کی فیملی سے 7لاکھ روپے، باغبانپورہ میں شاہد اور اس کی فیملی سے5لاکھ روپے، ستوکتلہ میں اویس اور اس کی فیملی سے 4لاکھ روپے، بادامی باغ میں عمر اور اس کی فیملی سے ساڑھے 3لاکھ روپے، شاہدرہ میںجمیل اور اس کی فیملی سے3لاکھ روپے، ڈیفنس میں احمد اور اس کی کار سوار فیملی سے ڈھائی لاکھ روپے، اچھرہ میںمحسن اور اس کی فیملی سے2 لاکھ روپے، قلعہ گجر سنگھ میں اشرف سے ایک لاکھ روپے کی نقدی، طلائی زیورات، موبائل فون اور دیگر سامان لوٹ لیا۔ ڈاکوؤں نے شہر کے مختلف علاقوں میں راہزنی کی 6 وارداتوں میں شہریوں سے ہزاروں روپے نقدی اور موبائل فون لوٹ لئے ہیں۔ چوروں نے ڈیفنس اور راوی روڈکے علاقوں سے دو کاریں جبکہ اچھرہ، شفیق آباد، مصری شاہ، لٹن روڈ، مزنگ، گجرپورہ سے چھ موٹرسائیکلیں چوری کر لی ہیں۔