لاہور ( سپورٹس رپورٹر ) لاہور ریجنل کرکٹ ایسوسی ایشن کی انتظامیہ نے سابق کپتان مصباح الحق کی شکایت کے بعد ایل سی سی اے گراؤنڈ کے پویلین کی تزین و آرائش مکمل کر دی، دونوں ڈریسنگ رومز کی مکمل طور پر صفائی ستھرائی کے ساتھ ساتھ رنگ و روغن اور دیگر ضروری کام بھی مکمل کردیا گیا ہے، قائد اعظم ٹرافی کے پہلے میچ میں ایل سی سی اے گراؤنڈ میں سہولیات کے فقدان پر پاکستان کرکٹ ٹیم کے سابق کپتان مصباح الحق نے شکوہ کیا تھا۔