کوئٹہ( آن لائن ) بلوچستان میں 3.7شدت کے زلزلے نے عوام میں شدید خوف وہراس پھیلا دیا ہے۔ تفصیلات کے مطابق پیر کے روز بلوچستان کے مختلف علاقوں میں 3.7شدت کا زلزلہ ریکارڈ کیا گیا جس سے عوام میں شدید خوف وہراس پھیل گیا اور لوگ کلمہ طیبہ اور درود شریف کا ورد کرتے ہوئے عمارتوں سے باہر آگئے بعد ازاں کوہ پیما مرکز کے مطابق زلزلے کی شدت 3.7اور اس کا مرکز سبی سے بائیس کلو میٹر دور مشرق میں تھا جبکہ زلزلے کی زیر زمین گہرائی تیس کلو میٹر تھی ۔