اسلام آباد(آئی این پی) جعلی ڈگری سکینڈل میں سزا یافتہ شعیب شیخ کے قریبی ساتھی کو نیو اسلام آباد ایئرپورٹ سے گرفتار کرلیا گیا۔ایئرپورٹ حکام کے مطابق شعیب شیخ کا ساتھی نائیجل برین نجی ایئرلائن کی پرواز سے قطر فرار ہو رہا تھا۔ایئرپورٹ حکام کا کہنا ہے کہ نائیجل ایف آئی اے کو مقدمے میں مطلوب ہے، امیگریشن عملے نے مسافر کو گرفتار کر کے انسداد انسانی سمگلنگ سیل کے حوالے کردیا۔ دوسری جانب شعیب شیخ کو اڈیالہ جیل منتقل کردیا گیا ہے۔ وفاقی تحقیقاتی ادارکے ایف آئی اے نے کارروائی کرتے ہوئے گزشتہ روز شعیب شیخ کو گرفتار کیا تھا۔