لاہور(سپورٹس رپورٹر+نمائندہ سپورٹس)پاکستا ن کراٹے فیڈریشن کے زیر اہتمام تین روزہ قومی کراٹے کوچنگ کورس شروع ہوگیا جو29ستمبر تک نشتر پارک سپورٹس جمنیزیم میںجاری رہے گا۔ فیڈریشن سے ملحقہ تمام یونٹس کے کوچز شرکت کرر ہے ہیں ۔ فرمان احمد، کالدنور اور محمد ندیم کورس ڈائریکٹر ہوں گے۔ کورس میں کوچز کو ورلڈ کراٹے فیڈریشن کی جانب سے جاری کئے گئے نئے قوانین سے آگاہی دی جائے گی۔ کورس کے اختتام پر کوچز کا امتحان لیا جائے گا جس میں کامیاب کوچز کو سرٹیفکیٹ اور لائسنس دئے جائیںگے۔