لاہور(سپورٹس رپورٹر+نمائندہ سپورٹس)11ویں ایشیئن پاور لفٹنگ اینڈ بینچ پریس چیمپئن شپ میں 9میڈلز جیتنے والی پاکستانی خواتین پاورلفٹنگ ٹیم نے بدھ کے روز نیشنل ہاکی سٹیڈیم میں ڈائریکٹر سپورٹس محمد حفیظ بھٹی سے ملاقات کی۔ ملاقات کرنیوالوں میں ٹیم کے منیجر راشد ملک، کھلاڑی ٹونکل سہیل(گولڈ)ورنیکا سہیل (گولڈ)،نزہت جبیں(گولڈ)،رابعہ شہزاد(سلور)، سنہیہ غفور(سلور)، نادیہ مقصود(سلور)، رابعہ رزاق (سلور)، مریم سہیل(برانز)، سائبل سہیل(برانز) شامل تھیں ۔ڈائریکٹر سپورٹس محمد حفیظ بھٹی نے ڈائریکٹر جنرل سپورٹس پنجاب محمد عامر جان کی جانب سے ٹیم کو کامیابی پر مبارکباد دیتے ہوئے کہا کہ میڈلز جیت کر قوم کے دل جیت لئے ہیں، ڈائریکٹر سپورٹس محمد حفیظ بھٹی نے کہا کہ صوبہ میں سپورٹس کے فروغ اور کھلاڑیوں کی بہتری کے لئے بھرپور اقدامات کررہا ہے۔