نئی دہلی(صباح نیوز)جنگی جنون کا شکار بھارت نے گزشتہ روز فضا سے فضا تک مار کرنے والے استرا میزائل کا کامیاب تجربہ کرنے کا دعوی کیا ہے۔چینی میڈیا رپورٹ میں کہا گیا ہے کہ میزائل کا تجربہ بھارت کی مشرقی ریاست اڑیسا کے ساحل کے قریب کیا گیا۔انڈیا کی وزارت دفاع کے مطابق استرا میزائل کا تجربہ خلیج بنگال کے اوپر کیا گیا۔ میزائل کو بھارتی فضائیہ نے ایس یو 30 لڑاکا طیارے سے فائر کیا جسے طیارہ ائیر فورس اسٹیشن کالیکنڈہ سے لوڈ کر کے اڑا تھا۔بھارتی وزارت دفاع نے دعوی کیا ہے کہ میزائل نے اپنے ہدف کو انتہائی مہارت سے نشانہ بنایا۔حالیہ میزائل بھارت کے سرکاری ادارہ ڈیفنس ریسرچ اینڈ ڈیویلپمنٹ آرگنائزیشن نے بنایا ہے۔
بھارت/ میزائل تجربہ