لاہور(سپورٹس رپورٹر+نمائندہ سپورٹس ) پاکستان ہاکی ٹیم کے منیجر و ہیڈ کوچ حسن سردار نے اویس رحمان کو بھی لاہور میں جاری ایشین چیمپیئنز ٹرافی ہاکی ٹورنامنٹ کی تیاری کے لیے جاری تربیتی کیمپ میں طلب کر لیا ہے۔ اویس الرحمان نے ڈھاکہ میں منعقد ہونے والی سیف گیمز کے فائنل میچ میں بھارت کے خلاف فیصلہ کن گول کر کے پاکستان ٹیم کو کامیابی دلائی تھی۔
اویس الرحمان سابق انٹرنیشنل کھلاڑی پولیس انسپکٹر سیف الرحمان کے بیٹے ہیں۔ ہیڈ کوچ حسن سردار نے اویس الرحمان کی ماضی کی کارکردگی کی بنا پر انہیں کیمپ میں طلب کیا ہے۔ ہاکی حلقوں کی جانب سے ہیڈ کوچ کے فیصلے پر خوشی کا اظہار کیا گیا ہے۔ اویس الرحمان کی آمد کے بعد کیمپ میں کھلاڑیوں کی تعداد 32 ہو گئی ہے۔