پھولنگر: مشتعل زمیندار کا پولیو ٹیم پر حملہ، بھاگ کر جان بچا ئی
پھول نگر (نامہ نگار) پولیو ٹیم پر مشتعل زمیندار کی فائرنگ ارکان نے بھاگ کر جان بچائی۔ نواحی گائوں نتھے خالصہ میں پولیو ٹیم نمبر 8کے ارکان پرویز اور اشرف رانا امداد کے گھر بچوں کو قطرے پلانے کیلئے پہنچے جس کا برا منایا، دوبارہ نہ آنے سے منع کیا تاہم پولیو مہم کے آخری روز فالو اپ کے دن دنوں اہلکار ان کے گھر کے باہر پہنچے تو رانا امداد نے فائرنگ کر دی۔ پرویز اور اشرف نے موٹر سائیکل پر وہاں سے بھاگ کر جان بچائی پولیو ٹیم کے سپروائزر یاسر ندیم نے اندراج مقدمہ کیلئے درخواست پولیس تھانہ صدر کو دے دی۔
