سیالکوٹ: گرفتاری کے ڈر سے 4 نشئیوں نے نالے میں چھلانگیں لگا دیں، 2 ڈوب گئے
سیالکوٹ (نامہ نگار) پولیس کا چار نشئیوں کی گرفتاری کیلئے تعاقب، چاروں نے نالہ ایک میں چھلانگیں لگا دیں، دو ڈوب گئے دو کو پولیس اہلکاروں نے تھپڑ مار کر بھگا دیا۔ تھانہ صدر سیالکوٹ کے علاقہ لال پورہ کے قریب سے چار افراد بیٹھے نشہ کر رہے تھے۔ پولیس کو آتا دیکھ کر نشئیوں نے نالہ ایک میں چھلانگیں لگا دی۔ پولیس نے دو نشئیوںکو پکڑ کر تھپڑ لگا کر چھوڑ دیا جب وہ نالہ ایک میں ڈوب گئے۔ اطلاع ملنے پر ریسکیو1122کے غوطہ خوروں نے رحمن پورہ کے تیس سالہ قیصر جاوید کی نعش نکال لی جبکہ جہانگیر کی تلاش جاری ہے۔
