گجرات (نامہ نگار) کھاریاں ماڈل بازار میں خوفناک آتشزدگی نے 10 سے زائد دکانوں کو اپنی لپیٹ میں لے لیا۔ ماڈل بازار میں قائم لنڈے کی دکانوں میں موجود سامان اورکار جل کر راکھ ہو گئی۔ آگ بجھانے کیلئے کھاریاں سمیت گجرات و لالہ موسیٰ کی فائر بریگیڈ بھی طلب کر لی گئی فائربریگیڈ اور ریسیکو کی گاڑیاں ڈیڑھ گھنٹے تاخیر سے پہنچنے پر آگ پر قابو پانے میں مشکلات کا سامنا کرنا پڑا۔ آگ لگنے سے لاکھوں روپے مالیت کے کپڑے اورجوتوں سمیت دیگر سامان جل کر راکھ کا ڈھیر بن گیا۔ ڈپٹی کمشنرگجرات کی ہدایت پر اے سی کھاریاں عمر حیات گوندل نے موقع پر پہنچ کر فائر فائٹنگ کے عمل کی نگرانی کی۔ ڈی او ایمرجنسی نعیم اختر نے بتایا کہ آتشزدگی کے اس واقعہ میں کوئی شخص بھی زخمی نہیں ہوا۔