لاہور(سپورٹس رپورٹر)یونیک گروپ آف انسٹی ٹیوشنز نے کاردار انڈر 16 کرکٹ ٹورنامنٹ کے افتتاحی میچ میں لارڈز سکول کو 30رنز سے شکست دےدی۔ ٹورنامنٹ جس میں ایچی سن کالج، لاہور گرائمر، سٹی سکول، یونیک سکول اور لاکاس سکول سمیت 16ٹیمیں شرکت کررہی ہیں۔
افتتاحی میچ کے دوران یونیک گروپ آف انسٹی ٹیوشنز کی ٹیم نے مقررہ 20اوورز میں 6کھلاڑیوں کے نقصان پر 123 رنز بنائے جس کے جواب میں لارڈز سکول کی ٹیم 93 رنز پر ہی ڈھیر ہوگئی۔ بہترین باﺅلنگ پر یونیک گروپ کے طالبعلم ابراہیم کو مین آف دی میچ قرار دیا گیا۔ یونیک گروپ کی شاندار کامیابی پرٹیم کو مبارکباد دیتے ہوئے ڈائریکٹر ایڈمن یونیک گروپ پروفیسر جہانزیب انور ملک نے کہاکہ یونیک گروپ میں کھیل کے شعبے پر خصوصی توجہ دی جاتی ہے اور یہی وجہ ہے کہ یونیک گروپ کے طلبہ مختلف کھیلوں میں ہمیشہ نمایاں رہے ہیں۔ انہوں نے کہاکہ یونیک گروپ میں ناصرف طلباءبلکہ طالبات کو بھی کھیل کے یکساں مواقع فراہم کئے جاتے ہیں جس کی بدولت آج یونیک گروپ میں طلباءکے ساتھ ساتھ طالبات بھی پیش پیش ہیں۔