لاہور (نامہ نگاروں سے) حالات سے دلبرداشتہ مختلف مقامات پر نوجوان اور خاتون نے زہریلی گولیاں اور زہر پی کر خودکشی کر لی۔ قصور کے نواحی علاقہ ارزانی پور میں نوجوان نبیل نے گھریلو جھگڑے پر زہریلی گولیاں کھا کر زندگی کا خاتمہ کر لیا۔ ساہیوال کی طارق بن زیاد کالونی میں 50 سالہ بیوہ خاتون زینب بی بی نے بیٹے اور بہو سے جھگڑا ہونے کے باعث زہر پی لیا جسے تشویشناک حالت میں سول ہسپتال منتقل کیا مگر وہ جانبر نہ ہو سکی۔اوکاڑہ سے نامہ نگار کے مطابق تھانہ صدر کے علاقہ بھومن شاہ کے آصف کی بیوی روٹھ کر میکے آ گئی جس کو منانے وہ گزشتہ روز اپنے سسرال گیا لیکن آصف کی بیوی کسی صورت نہیں مانی جس پر آصف دلبرداشتہ ہو کر واپس اپنے گھر بھومن شاہ آ گیا اور خود کو فائر مار کر اپنی زندگی کا خاتمہ کر لیا۔