لاہور(سپورٹس رپورٹر+نمائندہ سپورٹس) دوسرے چیف آف نیول سٹاف آل پاکستان کی ٹورنامنٹ کے تیسرے روز سوئی سدرن گیس کمپنی، واپڈا اور نیشنل بنک کی ٹیموں نے سیمی فائنل کے لیے کوالیفائی کر لیا ۔ نیشنل بنک اور سوئی نادرن گیس پائپ لائن کی ٹیموں کے درمیان کھیلا گیا۔ نیشنل بنک نے تین ایک سے کامیابی اپنے نام کی۔ جنید منظور، بلال قادر اور عامر علی نے ایک ایک گو ل کیا۔ سوئی سدرن گیس کمپنی اور پولیس کی ٹیموں کے درمیان کھیلے گئے میچ جس میں سوئی سدرن گیس کمپنی نے یکطرفہ مقابلے میں سات ایک سے کامیابی حاصل کی۔سوئی گیس کی جانب سے مبشر علی نے ہیٹ ٹرک (تین) جبکہ رضوان جونیئر، رانا سہیل، ذیشان بخاری اور رضوان نے ایک ایک گول کیا۔ پولیس کی جانب سے واحد گول شہباز نے کیا۔ تیسرا میچ نیوی اور پورٹ قاسم کی ٹیموں کے درمیان کھیلا گیا جس میں نیوی نے دو صفر سے کامیابی اپنے نام کی۔ فاتح ٹیم کے دونوں گول شہباز نے کیے۔