لاہور(سپورٹس رپورٹر+ نمائندہ سپورٹس)12ویں پاکستان پریمیئر فٹبال لیگ میں کے الیکٹرک اور واپڈا نے اپنے میچ جیت لئے۔ قاسم باغ سٹیڈیم ملتان میں جاری پہلے مرحلے میں کے الیکٹرک نے کراچی پورٹ ٹرسٹ کیخلاف اچھا آغاز کرتے ہوئے دونوں ونگز سے بھرپور حملے کئے لیکن مواقع سے فائدہ نہیں اٹھایا جاسکا،پہلے ہاف میں کوئی ٹیم گول کرنے میں کامیاب نہیں ہوئی،وقفہ کے بعد محمد ریاض نے 48ویں منٹ گول کر تے ہوئے کے الیکٹرک کو برتری دلادی۔کے پی ٹی ٹیم نے کم بیک کے لئے کوشش کی لیکن حریف ٹیم کا دفاعی حصار توڑنے میں کامیابی نہ حاصل ہوسکی۔