لاہور(سپورٹس رپورٹر+نمائندہ سپورٹس) رواں برس بھارت میں شیڈول ہاکی ورلڈ کپ کے لیے پاکستانی ٹیم کی ویزا کیلئے درخواستیں بھارتی ہائی کمشن میں جمع کروا دی گئیں۔ 25 کھلاڑیوں اور 5آفیشلز کی درخواستیں جمع کروائی گئی ہیں۔ اس سے قبل بھارت نے درخواستیں تاخیر سے آنے کو جواز بنا کر قومی جونیئر ٹیم کو ویزے دینے سے انکار کر دیا تھا جس کی وجہ سے گرین شرٹس عالمی کپ کا حصہ نہ بن سکے تھے۔ بھارتی حکام کے جواز سے بچنے کے لئے قومی سینئر ٹیم کی درخواستیں قبل ازوقت جمع کروائی گئی ہیں۔