لاہور(سپورٹس رپورٹر) یونیک گروپ آپ انسٹی ٹیوشنز کی طالبہ ایمان علی نے انٹر سکول سپورٹس فیسٹیولز میں طالبات کے بیڈ مینٹن کے سنگل مقابلوں میں دوسری پوزیشن حاصل کی جبکہ ڈبلز مقابلوں میں یونیک کی شاہتاج عمران اور حمنا سردار نے تیسری پوزیشن حاصل کی۔ لڑکوں کے بیڈمینٹن مقابلوں میں یونیک کے ارسلان نے سنگل مقابلوں میں تیسری جبکہ بلال اور عمر نے ڈبلز مقابلوں میں بھی تیسری پوزیشن حاصل کی۔ یونیک کے طلباو طالبات کی شاندار کامیابی پر ڈائریکٹر ایڈمن یونیک گروپ نے طلبہ کو مبارکباد دیتے ہوئے کہا کہ یونیک گروپ آف انسٹی ٹیوشنز نے رواں سال کے دوران کھیل کے شعبے میں شاندار کامیابیاں حاصل کی ہیں اور رواں برس میں یونیک نے لاہور میں ہونے والے مختلف مقابلوں میں لا تعداد ٹائٹل اپنے نام کیے اور یہی وجہ ہے کہ ہر ٹورنا منٹ میں یونیک کے طلبہ نمایاں نظر آتے ہیں۔