لاہور(سپورٹس رپورٹر) دوسرا چیف آف دی نیول سٹاف آل پاکستا ن ہاکی ٹورنامنٹ2018 نیشنل بنک آف پاکستان ٹیم نے جیت لیا۔ نیشنل ہاکی سٹیڈیم میں کھیلے جانے والے فائنل میچ میں نیشنل بنک نے سنسنی خیز مقابلے کے بعد واپڈا ٹیم کو پنلٹی شوٹ آوٹ پر چار کے مقابلے میں پانچ گول سے شکست دی۔ اس سے قبل تیسری پوزیشن کے میچ میں سوئی نادرن گیس پائپ لائن نے سوئی سدرن گیس کمپنی کو شکست دیکر وکٹری سٹینڈ تک رسائی حاصل کی۔مقابلہ چار چار گول سے برابر رہا۔ نیشنل بنک کی جانب سے مقررہ وقت میں ارسلان قادر، عماد شکیل بٹ، دلبر اور ابوبکر نے ایک ایک گول کیا جبکہ واپڈا کی جانب سے اعجاز احمد ، ایم عرفان جونیئر، علیم بلال اور شجاع نے ایک ایک گول کیا۔ فائنل میچ کوف فیصلہ کن بنانے کے لیے پنلٹی شوٹ آوٹ لگائی گئیں جس میں پہلی پانچ پنلٹی شوٹ آوٹ میں مقابلہ چار چار گول سے پھر برابر رہا۔ سڈن ڈیتھ میں نیشنل بنک نے گول کیا ۔