فیصل آباد: چودھری شیر علی کی اہلیہ، عابد شیر کی والدہ انتقال کر گئیں
فیصل آباد (نمائندہ خصوصی) سابق میئر و سابق رکن قومی اسمبلی مسلم لیگ (ن) کے مرکزی سنٹرل ورکنگ کمیٹی کے رکن چوہدری شیر علی کی اہلیہ اور سابق وزیر مملکت چوہدری عابد شیر علی کی والدہ انتقال کر گئیں۔ نماز جنازہ ڈجکوٹ روڈ پر خالد پارک محلہ ناظم آباد میں ادا کی گئی جس میں محمد نوازشریف، راجہ ظفرالحق سمیت متعدد ارکان اسمبلی، مسلم لیگی رہنماؤں، کارکنوں اور شہریوں کی بہت بڑی تعداد میں نماز جنازہ میں شرکت کی۔ مرحومہ کو پریمیئر مل روڈ کے قبرستان میں سپردخاک کر دیا گیا۔ وہ میاں محمد نوازشریف کی قریبی عزیزہ تھیں۔ نماز جنازہ میں شرکت کے لئے نواز شریف خصوصی طیارے کے ذریعے کشمیر ہاؤس فیصل آباد آئے تھے۔
