سکھر (نامہ نگار+نوائے وقت نیوز)سکھر میں صالح پٹ کے علاقے آر ڈی 159 دیہہ بھاروڑو میں گھر کی دیوار گرنے سے 9بچے جاں بحق جبکہ 3 زخمی ہوگئے۔پولیس کے مطابق صالح پٹ کے گاو?ں غلام سرور شنبانی میں ایک گھر کی دیوار گر گئی، جس کے نتیجے میں 10 سے زائد بچے ملبے تلے دب گئے۔بچوں کو نکالنے کے لیے مقامی افراد نے اپنے طور پر کوششیں کیں، تاہم ملبے تلے دبنے سے 8 بچے جاں بحق جبکہ 3 زخمی ہوگئے۔واقعہ پر علاقے کی فضا سوگوار ہوگئی۔زخمی ہونے والے بچوں کو طبی امداد کے لیے تعلقہ ہسپتال روہڑی منتقل کردیا گیا، جہاں ایک اور بچی زخموں کی تاب نہ لاتے ہوئے دم توڑ گئی، جس سے ہلاکتوں کی تعداد 9 ہوگئی۔دوسری جانب وزیراعلیٰ سندھ مراد علی شاہ نے سکھر میں دیوار گرنے سے بچوں کی ہلاکت کا نوٹس لے کر کمشنر سکھر سے رپورٹ طلب کرلی۔وزیراعلیٰ نے ڈپٹی کمشنر کو زخمیوں کو علاج معالجہ فراہم کرنے کی بھی ہدایت کی۔
دیوار گر گئی