لاہور (نمائندہ سپورٹس)متحدہ عرب امارا ت میں متعین پاکستانی سفیر معظم احمد خان نے قومی کرکٹ ٹیم اور مینجمنٹ کے اعزاز میں عشائیہ دیا ۔عشائیہ کے موقع پر ابو ظہبی میں مقیم سفارتی عملہ ‘قومی کھلاڑی اور ٹیم انتظامیہ گھل مل گئے ۔سفارتی عملے اور کھلاڑیوں کا ایک دوسرے سے تعارف کرایا گیا ۔ پاکستانی سفیر معظم خان نے کہا کہ قومی کرکٹ ٹیم اچھی کارکردگی کا مظاہرہ کررہی ہے اور امید ہے آسٹریلیا کے خلاف سیریز بھی جیتے گی ۔ کھلاڑیوں نے ملک اور قوم کا سر فخر سے بلند کر دیا ہے ۔