لاہور(سپورٹس رپورٹر+نمائندہ سپورٹس) پاکستان کرکٹ بورڈ نے ایشین کرکٹ کونسل کے اجلاس کے لیے تیاریاں شروع کردی ہیں۔ ایشین کرکٹ کونسل کا اجلاس آئندہ ماہ 17 نومبر کو لاہور میں ہو گا جس کے لیے پی سی بی نے تیاریاں شروع کردی ہیں۔ اس سلسلے میں بھارت سمیت تمام رکن ممالک کو دعوت نامے بحھوادیئے گئے ہیں۔ ایشین کرکٹ کونسل کے اجلاس کی صدارت اس وقت پاکستان کے پاس ہے اور حال ہی میں بورڈ سربراہ احسان مانی نے عہدہ سنبھالنے کے پعد پہلی بار اجلاس کی صدارت کی تھی۔ ان سے پہلے سابق چیئرمین نجم سیٹھی یہ ذمہ داریاں نبھارہے تھے۔ پاکستان کی دوسالہ مدت اب ختم ہورہی ہے اور رولز کے تحت بنگلہ دیش بورڈ کی اگلی باری ہے۔لاہور میں شیڈول اجلاس میں بنگلا دیش بورڈ کے صدر ناظم الحسن نئے صدر بن جائیں گے۔