لاہور (پ ر) جناح اسلامیہ کالج پیکو روڈ ٹائون شپ لاہور جس میں منعقدہ Orientation Session 2018 میں طلبہ و طالبات سے خطاب کرتے ہوئے سابق چیف جسٹس لاہور ہائی کورٹ میاں محبوب احمد نے شاندر الفاظ میں کالج کے رزلٹ اور ٹاپ پوزیشنز کو خراج تحسین پیش کیا۔ انہوں نے نئے داخل ہونے والے طلبہ و طالبات کو محنت کرنے کی تلقین کی اور اساتذہ کرام کو دل لگا کر پڑھانے کی تلقین کی تاکہ کالج کے بہترین رزلٹ کو برقرار رکھا جاسکے بلکہ پہلے سے بھی بہتر کیا جاسکے۔ پرنسپل محمد یونس مغل نے طلبہ و طالبات سے کہا کہ وہ ایک دوسرے سے سلام لینے کی عادت اپنالیں، گھر سے کالج کے لئے جب آئیں تو گھر میں موجود تمام افراد سے سلام لے کر نکلیں۔ پروگرام کے آخر میں مہمان خصوصی سابق چیف جسٹس لاہور ہائی کورٹ میاں محبوب احمد نے تمام اساتذہ کرام کو ایوارڈ پیش کئے اور کالج ہذا کے چیئرمین محمد یوسف مغل نے مہمان خصوصی کو اعزازی شیلڈ پیش کی۔