لاہور(سپورٹس رپورٹر+نمائندہ سپورٹس ) ایشین ہاکی چیمپئن شپ سے کا آغاز آج اومان میں ہو گا۔۔ پریکٹس میچ میں پاکستان نے اومان کو صفر کے مقابلے میں 5 گول سے شکست دیدی۔ میچ 15، 15 منٹ کے 2 کوارٹرز پر مشتمل تھا۔ پہلے کوارٹر میں دفاعی انداز کی وجہ سے کوئی بھی ٹیم گول نہ کر سکی تاہم دوسرے کوارٹر میں گرین شرٹس نے یکے بعد دیگرے 5 بار گیند کو جال کے اندر پھینک کر میچ کا نتیجہ اپنے نام کیا۔ پاکستان کی جانب سے زبیر،عمر بھٹہ،علی شان، رضوان سینئر اور عرفان جونیئر نے گول سکور کئے۔واضح رہے کہ چیمپیئنز ٹرافی کا آغاز 18 اکتوبر سے ہو گا۔ پاکستانی ٹیم اپنا پہلا میچ 19 اکتوبر کو کھیلے گی جبکہ روایتی حریف بھارت کے خلاف مقابلہ 20 اکتوبر کو شیڈول ہے۔