ساف انڈر 15 فٹ بال چیمپئن شپ‘قومی ٹیم نیپال روانہ ہو گئی
لاہور(نمائندہ سپورٹس) قومی ٹیم ساف انڈر 15 فٹ بال چیمپئن شپ میں شرکت کیلئے نیپال روانہ ہوگئی۔ پاکستان فٹ بال فیڈریشن کے صدر مخدوم سید فیصل صالح حیات نے ٹیم کے لئے نیک تمنائوں کا اظہار کیا۔حسیب احمد ٹیم کی قیادت کریں گے جبکہ دیگر کھلاڑیوں میں محمد اویس، افنان شاہد، حمزہ نسیم، محب اللہ، نجیب اللہ، جنید احمد شاہ، جواد بشیر، خوشحال خان، آصف علی، محمد کاشف، شاہزیب جاوید، واصف،عدنان جسٹن، سید علی شاہ، اسامہ، سعد خان، مدثر نذر، حسن شیریں، بسم اللہ، افتخار احمد، معین احمد اور محمد عامر خان شامل ہیں۔جوز روبرٹو پورٹیلا بطور ہیڈ کوچ، اصغر انجم خان اسسٹنٹ کوچ و منیجرسکواڈ کے ہمراہ ہوں گے۔ ایونٹ 25 اکتوبر سے 3 نومبر تک نیپال میں شیڈول ہے۔
