لاہور(خصوصی رپورٹر)آصفہ نیو ماڈل گرلز ہائی سکول‘ تحصیل بازارکی طالبات اور اساتذہ نے نظریۂ پاکستان ٹرسٹ کے پاکستان آگہی پروگرام کے سلسلہ میں ایوانِ کارکنانِ تحریکِ پاکستان‘ شاہراہِ قائداعظم اور عظیم ٹیلنٹ ہائی سکول فار بوائز‘نرسری سٹاپ ٹائون شپ کے طلباء اور اساتذۂ کرام نے ایوانِ قائداعظمؒ، -1شاہراہِ نظریۂ پاکستان‘ جوہر ٹائون کا مطالعاتی دورہ کیا اور تحریک پاکستان کی تصویری گیلریز بھی دیکھیں۔ دریں اثناء موبائل نظریاتی تعلیمی یونٹس نے گورنمنٹ ہائی سکول‘ ٹائون شپ‘لاسال سکول سسٹم‘ اپر مال سکیم‘سن رائز سکول سسٹم‘ شاہدرہ ٹائون اورسٹی ڈسٹرکٹ گورنمنٹ بوائز ہائی سکول‘ شاہدرہ ٹائون کا وزٹ کیا۔ تعلیمی اداروں میں مستفید ہونے والے اساتذہ اور طلبہ کی مجموعی تعداد937تھی۔