کوئٹہ(بیورو رپورٹ)کوئٹہ میں فائرنگ کے دو مختلف واقعات میں چار بچوں سمیت پانچ افراد زخمی ہوگئے۔ پولیس کے مطابق بدھ کو کوئٹہ کے علاقے جناح ٹاﺅن میں کلی شابو کے مقام پر دانش پبلک سکول پر نامعلوم مسلح افراد نے فائرنگ کردی جس کے نتیجے میں چار بچے گل محمد، نسیمہ، سلمان اور مسعود اظہر زخمی ہوگئے جنہیں طبی امداد کے لیے سول ہسپتال منتقل کردیا گیا۔ بچوں کی حالت خطرے سے باہر بتائی جارہی ہے، فائرنگ کا دوسرا واقعہ ہزارہ ٹاﺅن میں بلخی چوک پر پیش آیا جہاں مسلح افراد نے فائرنگ کرکے روح اللہ نامی شخص کو زخمی کردیا جسے طبی امداد کے لیے ہسپتال منتقل کردیا گیا۔ پولیس نے دونوں واقعات کی تفتیش شروع کردی ہے۔ پولیس نے سرچ آپریشن شروع کردیا۔
کوئٹہ/فائرنگ