ائرچیف مجاہد انور کی سعودی نائب وزیر دفاع سے ملاقات، تعلقات مضبوط بنانے پر اتفاق
اسلام آباد (سٹاف رپورٹر) پاک فضائیہ کے سربراہ ائرچیف مارشل مجاہد انور نے سعودی عرب کے سرکاری دورے کے دوران وزارت دفاع کا دورہ کیا۔ائرچیف نے سعودی عرب کے اسسٹنٹ وزیرِ دفاع محمد بن عبداللہ العیش سے ملاقات کی۔ ائرچیف نے پاکستانی عوام اور حکومت کی جانب سے خیرسگالی کا پیغام دیتے ہوئے سعودی قیادت کا پاکستان اور اُس کی دفاعی افواج کی اعانت پر شکریہ ادا کیا۔ دونوں معزز شخصیات نے دفاعی اور سیکورٹی تعاون، علاقائی استحکام اور دونوں ممالک کے درمیان بالعموم اور دونوں فضائی افواج کے درمیان بالخصوص تعلقات کو مزید فروغ دینے کے طریقہ کار پر گفتگو کی۔
