اسلام آباد(خصوصی نمائندہ) نواز شریف نے کہا ہے کہ ٹی وی کم ہی دیکھتا ہوں، میں نے وزیر اعظم عمران خان کا خطاب سنا ہی نہیں۔ جمعرات کو اسلام آباد کی احتساب عدالت میں پیشی کےلئے آمد کے موقع پر ایک صحافی نے نواز شریف سے سوال کیا کہ عمران خان نے گزشتہ روز قوم سے اپنے خطاب میں کہا کہ ”کان کھول کرسن لیں کسی کو این آر او نہیں ملے گا“ اس بارے میں آپ کیا کہتے ہیں؟۔ صحافی نے سوال کیا کہ سعودی عرب سے امداد آئی ہے آپ کیا کہیں گے؟ جس پر نوازشریف نے کہا کہ میں نے ٹیلی ویژن نہیں دیکھا، اس بارے میں کچھ نہیں کہہ سکتا۔ علاوہ ازیں سابق وزیر اعظم نے اس موقع پر گزشتہ پیشی کی طرح گفتگو سے پرہیز ہی کیا۔ ان کی جگہ مسلم لیگ (ن) کی ترجمان مریم اورنگزیب نے صحافیوں سے گفتگو کی اور ان کے سوالات کا جواب دیا۔
نواز شریف