لاہور(سپورٹس رپورٹر+نمائندہ سپورٹس) پاکستان سپر لیگ کی فرنچائز پشاور زلمی کی گلوبل زلمی لیگ کے لیے دنیا کے مختلف ممالک میں تیاریوں کا آغاز کردیا گیا ہے ۔ دبئی زلمی کے بعد بحرین زلمی نے بھی گلوبل زلمی لیگ کے کھلاڑیوں کو متحرک کردیا۔ بحرین زلمی کی جانب سے منامہ میں تربیتی اور کوچنگ کیمپ کا انعقاد کیا گیا جس میں بحرین زلمی سے منسلک پچاس سے زائد کرکٹرز شریک ہوئے۔ ان نوجوان کرکٹرز کو بحرین کی قومی کرکٹ ٹیم کے سابق کپتان اشرف بیگ اور عظیم الحق نے کوچنگ اور ٹپس فراہم کی۔