لاہور(سپورٹس رپورٹر+نمائندہ سپورٹس)پنجاب پولیس کی ٹیم نے دوستانہ میچ میں کرکٹ سنٹر کی ٹیم کو چھ وکٹوں سے ہرا دیا۔ کرکٹ سنٹر ماڈل ٹاون میں کھیلے جانیوالے میچ میں میزبان ٹیم نے مقررہ چالیس اوورز میں 8 وکٹوں پر 265 رنز سکور کیے۔ انس محمود نے 112 رنز کی اننگز کھیلی۔ 266 رنز کا ہدف پنجاب پولیس ٹیم نے چار وکٹوںپر پورا کر لیا۔ فاتح ٹیم کی جانب سے فخر جہان نے 98، عدیل نے 44 جبکہ کپتان سلیم جٹ نے ناقابل شکست 35 رنز بنائے۔ فخر جہان کو میچ کا بہترین کھلاڑی قرار دیا گیا۔ میچ کے مہمان خصوصی ویسٹ زون کے صدر نوشاد تھے جنہوں نے کھلاڑیوں میں انعامات تقسیم کیے۔