فلم ابلاغ کا سب سے موثر ذریعہ ‘کہانی لازم ہے:پر ویز کلیم ‘حسن عسکری
لاہور(کلچرل رپورٹر)فلمی مصنف وہدایتکارمحمدپرویزکلیم نے الحمرامیں گوشہ گیان کی نشست میں مہمان خصوصی کی حیثیت سے شرکت کی ۔ نظامت نیازحسین لکھویرانے کی ۔محمدپرویزکلیم کاکہناتھاکہ فنون لطیفہ میں خدمات سرانجام دینے والوں کے متعلق بیانیہ کو ایک ہیرو کے طور پر رواج دیناہوگا۔فلم ابلاغ کا سب سے موثر ذریعہ ہے ۔سابق ایگزیکٹوڈائریکٹر کیپٹن ر عطا محمدخان کا گوشہ گیان کے قیام کا اقدام ادب وثقافت کے فروغ کے حوالے سے انمٹ نقوش کا باعث بن رہا ہے۔ کتاب ازحد ضروری ہے مگر فلم بنا نا عملی کاوش سے مشروط عمل ہے۔گوشہ گیان تصوف کے اظہار کی ایک اہم کڑی ہے۔فلم ڈائریکٹر حسن عسکری نے کہا کہ اچھی اور کامیاب فلم کیلئے معتبرکہانی لازم ہے۔ڈپٹی ڈائریکٹر الحمرا آفتاب احمد انصاری سمیت فن وثقافت سے وابستہ مختلف افرادنے شرکت کی ۔
