لاہور(سپورٹس رپورٹر+نمائندہ سپورٹس)35 واں گورنرز کپ گالف ٹورنامنٹ آج سے لاہور جم خانہ گالف کلب میں شروع ہوگا۔ ٹورنامنٹ میں ملک بھر سے ڈھائی سو سے زائد گالفرز جن میں امیچور، سینئرز، ویٹرنز، لیڈیز اور جونیئرز شرکت کرینگے۔ ان خیالات کا اظہار کنونیئرگالف لاہور جم خانہ سابق صوبائی وزیر شوکت جاوید، چیف ایگزیکٹو آفیسر ملت ٹریکٹر عرفان عقیل، عمر ضیاء کیپٹن جم خانہ گالف اور خواجہ پرویز سعید نے پریس کانفرنس کرتے ہوئے کیا۔ شوکت جاوید کا کہنا تھا کہ ٹورنامنٹ میں ملک بھر سے بڑی تعداد میں شرکت کے لیے آتے ہیں۔ امیچورز میں نیٹ میں پہلی پوزیشن حاصل کرنے والا گالفر ٹورنامنٹ کا چیمپئن ہوگا۔ ٹورنامنٹ میں نیٹ اور گراس کے 54 ہولز کے مقابلے تین راونڈ میں مکمل ہونگے۔