لاہور(نمائندہ سپورٹس ): عالمی چیمپئن باکسر عامر خان ایک ہفتے کے دورے پر آج لاہور پہنچ رہے ہیں ہر سال کی طرح اس بار بھی وہ داتا دربار پر حاضری دیں گے۔پاکستانی نژاد برطانوی باکسر عامر خان ایک ہفتے کے دورے پر کل لاہور پہنچیں گے اور داتا دربار پر حاضری دیں گے، مزار پر چادر چڑھانے کے بعد آنے والے مقابلوں میں کامیابی کے لئے دعا مانگیں گے، سہ پہر کو واہگہ بارڈر پر پرچم اتارنے کی تقریب بھی دیکھنے جائیں گے۔لاہور میں دو تین دن قیام کے بعد باکسر عامر خان 31 اکتوبر سے 2 نومبر تک اسلام آباد میں موجود ہوں گے جہاں وہ اپنی اکیڈمی میں نوجوان باکسرز کو کوچنگ ٹپس دیں گے۔