ہربنس پورہ: ون ویلنگ کرتے2 نوجوان فٹ پاتھ سے ٹکرا کر ہلاک، تعشیں گھر پہنچنے پر کہرام
لاہور(نامہ نگار) ہربنس پورہ کے علاقہ میں ون ویلنگ کرتے ہوئے موٹر سائیکل بے قابو ہو کر فٹ پاتھ سے ٹکرانے سے دو نوجوان ہلاک ہو گئے۔ بتایا جاتا ہے کینال روڈ پر ڈیال ہائوس کے قریب موٹر سائیکل سواردو نوجوان ون ویلنگ کرتے ہوئے جا رہے تھے جبکہ دونوں نوجوانوں نے ہیلمٹ بھی نہیں پہن رکھے تھے۔ موٹر سائیکل بے قابو ہو کر بے قابو ہو کر فٹ پاتھ سے جا ٹکرائی۔ 22سالہ دانیال اور 25 سالہ محمد عثمان زخموں کی تاب نہ لاتے ہوئے موقع پر ہی دم توڑ گئے۔ اطلاع ملنے پر پولیس اور امدادی ٹیموں نے نعشیں قبضے میں لے کر مردہ خانے منتقل کر دیں۔ بعدازاں پولیس نے ضروری قانونی کارروائی کے بعد نعشیں ورثا کے حوالے کر دی ہیں۔ نعشیں گھر پہنچتے ہی کہرام مچ گیا اور صف ماتم بچھ گئی۔
