گجرات+ پیرمحل (نامہ نگاران) دوران ٹریننگ 20سالہ نوجوان کلیم اور افغان بارڈر پر فوجی محمد یوسف شہید ہو گیا۔ ضلع گجرات کے علاقہ کڑیانوالہ کے گاؤں رپوووال جنوبی کا 20سالہ کلیم اللہ پا ک فوج میں بھر تی ہو ا‘ پاک آرمی کی ٹریننگ کے دوران کلیم اللہ زخمی ہو گیا جسے تشویشناک حالت میں ہسپتال داخل کر ایا گیا جہاں وہ زخموں کی تاب نہ لاتے دم توڑ گیا‘ پاک فوج کے جوان کلیم اللہ کا جسد خاکی انکے آبائی علاقہ روپو وال میں پہنچایا گیا‘ فوجی اعزازات کے ساتھ کلیم اللہ کو آبائی علاقہ کے قبرستان میں سپردخاک کر دیا گیا‘ سلامی بھی پیش کی گئی۔ پیرمحل کے نواحی گائوں 680/21گ ب کا محمد یوسف انصاری پاک فوج میں افغانستان بارڈر پر اپنے فرائض کی ادائیگی کے دوران جام شہادت نوش کرگیا۔ شہید محمد یوسف کو پورے فوجی اعزاز کیساتھ ان کے آبائی گائوں کے قبرستان میں سپردخاک کردیا گیا۔ شہید کی 6ماہ قبل شادی ہوئی تھی۔شہید کا ایک اور بھائی پاک فوج میں اپنی خدمات سرانجام دے رہا ہے۔ جام شہادت نوش کرنے پر ورثاء کا کہنا تھا کہ مادر وطن کی حفاظت کرتے ہوئے محمد یوسف نے جام شہادت نوش کرکے ملک وقوم اور ہمارا سر فخر سے بلند کردیا۔ شہید کی نمازجنازہ میں ہرمکتبہ فکر کے افراد نے کثیر تعداد میں شرکت کی۔