لاہور (سپورٹس ڈیسک) بھارت نے ویسٹ انڈیز کو پانچویں ون ڈے میچ میں شکست دے کر سیریز تین ایک سے جیت لی ۔ ویسٹ انڈین ٹیم پہلے کھیلتے ہوئے 104رنز پر ڈھیر ہو گئی۔ صرف تین کھلاڑی ڈبل فگر میں داخل ہوسکے ۔ جیسن ہولڈر نے پچیس اور مارلن سیموئلز نے چوبیس رنز بنائے ۔ رویندرا جدیجہ نے چار کھلاڑیوں کو آئوٹ کیا ۔ بھارت نے ہدف ایک وکٹ پر پور ا کرلیا ۔ روہت شرما نے ناقابل شکست 63رنز بنائے ۔ تھامس نے واحد وکٹ حاصل کی ۔ جدیجہ کو میچ جبکہ ویرات کوہلی کو سیریز کا بہترین کھلاڑی قرار دیا گیا ۔