لاہور(سپورٹس رپورٹر+نمائند سپورٹس) تھل ڈیزرٹ ریلی 16 سے 18 نومبر تک مظفرگڑھ اور لیہ میں ہوگی۔ ریلی کا مقصد جنوبی پنجاب کی ثقافت اور تہذیب کو متعارف کروانا ہے، صوبائی وزیر سیاحت راجہ یاسر ہمایوں سرفرا ز کا کہنا تھا کہ تھل ریلی ہیڈ محمد والا سے شروع ہوکر چوبارہ لیہ سے ہوتی ہوئی واپس ہیڈ محمدوالا پہنچ کر اختتام پذیر ہو گی،ریلی ضلع مظفرگڑھ اور ضلع لیہ کی حدود میں 170 کلومیٹر فاصلے پر محیط ہو گئی، خواتین ڈرائیورز سمیت 80 ڈرائیورز شرکت کریں گے‘ 25 لاکھ روپے انعامی رقم مختص کی گئی ہے ۔