لاہور (سپورٹس رپورٹر+نمائندہ سپورٹس) پاکستان سپرلیگ کے چوتھے ایڈیشن کی پلیئرز ڈرافٹ کیلئے پاکستان اور دنیا بھر سے 663 کرکٹرز کی فہرست کو حتمی شکل دیدی گئی ہے۔ پلاٹینم، ڈائمنڈ، گولڈ ، سلور اور ایمرجنگ کیٹگریز میں کھلاڑی تقسیم کیے گئے جن کو مختلف ٹیموں کے کوچز اور سلیکٹرز منتخب کرینگے۔ تمام کھلاڑیوں کی فہرست فرنچائزز کو فراہم کردی گئی ہے۔ فہرست میں سابق کپتان سلمان بٹ اور آل راو ¿نڈر عبدالرزاق کے نام بھی شامل ہیں جبکہ عمران نذیر بھی پہلی بار پلیئرز ڈرافٹ میں شامل ہونگے۔ عبدالرزاق نے گزشتہ ایڈشن میں کوئٹہ ٹیم کے باو لنگ کوچ کی حیثیت سے کام کیا تاہم اس بار وہ بطور کھلاڑی ڈرافٹنگ میں شامل ہیں۔رواں سیزن میں ڈرافٹ ٹیموں کے پاس گزشتہ ایڈیشن کے 10 کھلاڑیوں کو بحال رکھنے کا آپشن بھی موجود ہوگا۔ ریٹنشن ونڈو13 نومبر کو بند ہوگی۔ہ اسکواڈ 16 کھلاڑیوں پر مشتمل ہوگا جس میں 3 پلاٹینیم، 3 ڈائمنڈ، 3گولڈ، 5 سلور اور 2 ایمرجنگ پلیئرز شامل ہوں گے۔پاکستان سپر لیگ فور کا آغاز چودہ فروری سے ہوگا۔