لاہور (سپورٹس رپورٹر+نمائندہ سپورٹس)ماحور شہزاد بحرین کی انٹرنیشنل بیڈمنٹن سیریز کے بعد عالمی رینکنگ میں ٹاپ200 میں آنیوالی پہلی پاکستانی پلیئر بن گئیں۔ان کی عالمی درجہ بندی میں 192ویں پوزیشن ہے۔کراچی میں پیدا ہونے والی ماحور شہزاد ایشین گیمز2014 اور کامن ویلتھ گیمز 2018میں بھی ملک کی نمائندگی کر چکی ہیں۔2016 میں ان کی عالمی رینکنگ405 جبکہ مارچ 217میں246 تھی، اب وہ اپنی اس رینکنگ میں مزید بہتری لاتے ہوئے192 نمبر پر جگہ بنانے میں کامیاب ہو گئی ہیں۔ماحور کے کوچز میں طیب سہیل، افتخار حسین اور علی مہدی نمایاں ہیں۔ ماحور مستقبل میں اپنی مزید رینکنگ بہتر بنانے کے لئے پرعزم دکھائی دیتی ہیں۔